NEUST, naglunsad ng Masterclass para sa AI at Analytics

Nagsagawa ang University Training Department ng Nueva Ecija University of Science and Technology (NEUST) ng isang masterclass series upang palawigin ang kaalaman ng mga propesyonal sa larangan ng AI at analytics na pinamagatang “Turning Data into Strategic Decisions,” na ginanap noong Agosto 15 2025 sa pamamagitan ng Zoom.

Ang online na serye, na idinisenyo upang bigyan ang mga kalahok ng praktikal na kaalaman, mga totoong halimbawa ng aplikasyon, at mga hands-on na demonstrasyon gamit ang libre at naa-access na mga kagamitan, ay dinaluhan ng 188 na propesyonal at mag-aaral mula sa iba’t ibang larangan, kabilang ang akademya, negosyo, gobyerno, at pananaliksik.

Sa kanyang mensahe, binigyang-diin ng Pangulo ng NEUST na si Dr. Rhodora Jugo ang kahalagahan ng responsableng paggamit ng teknolohiya. “Ang pagtitipong ito ay hindi lamang tungkol sa pag-master ng mga teknikal na aspeto… Ito rin ay tungkol sa paglinang ng disiplina sa intelektwal upang masuri nang kritikal ang datos,” saad niya sa wikang Ingles, at iginiit na ang teknolohiya ay dapat na “gabayan ng karunungan ng tao, etikal na paghuhusga, at isang malinaw na layunin.”

Ang mga sesyon ay pinangunahan ng dalawang eksperto: Dr. Marlon Torres, Direktor ng NEUST Management Information System, na nagsalita sa paksang “Data-driven Decision-making Using Analytics and AI,” at Dr. Rodolfo Raga, Jr., isang full professor mula sa Jose Rizal University, na nagpresenta sa paksang “From Data to Decisions: Empowering Organizations through AI and Analytics.”

Inorganisa ng University Training Department sa pangunguna ni Dr. Marilou Pascual, ang masterclass ay inindorso ng Development Council of State Universities and Colleges Region III at ng Center for Inter-Institutional Research and Policy Studies.

#NEUSTGLOBAL #NEUSTTrainingDepartment #AIandDataAnalyticsMasterclass #SDG4QualityEducation #SDG8DecentWorkAndEconomicGrowth #SDG9IndustryInnovationAndInfrastructure #SDG17PartnershipsForThe Goals